विज्ञान विभाग

महाराष्ट्र सेवा संघ ऐरोली येथे विज्ञान विभाग स्थापन झाल्यापासुन निरंतर विज्ञान विषय केंद्रस्थानी ठेवुन विविध कार्यक्रमाचे आयोजन करण्यासाठी कटिबध्द आहे.

विभागातर्फे सादर करण्यात आलेले काही उल्लेखनीय कार्यक्रम:

तंत्रज्ञान विषयक खेळणी कार्यशाळा

कार्यक्रमासाठी लोकमान्य टिळक कॉलेज ऑफ इंजिनीरिंग चे प्राध्यापक उपस्थित होते.त्यांनी वेगवेगळ्या खेळांमागील विज्ञानाची तत्वे विद्यार्थांना स्पष्ट करून काही वैज्ञानिक खेळणी त्यांच्याकडून प्रत्यक्ष तयार करून घेतली.

शंख विज्ञान

शंख विज्ञान – श्री आनंद भिडे

आनंद भिडे हे शंखांचे अभ्यासक असून त्यांनी आपल्या व्याख्यानातून शंखाचे वैज्ञानिक, धार्मिक आणि आरोग्यविषयक महत्व अधोरेखित केले.तसेच त्यांच्या संग्रही असलेले अनेक शंख उपस्थितांना दाखवून वेगवेगळ्या शंखांविषयी माहिती दिली व त्यांची वैशिष्टे विशद केली.

कॅलेंडरच्या गमती आणि विसंगती

कॅलेंडरच्या गमती आणि विसंगती – श्री अर्चित गोखले

कॅलेंडर हे केवळ तारखा, वार आणि सुट्ट्या पाहण्याचे साधन नसून ते गणिताचे कोडे, खगोलशास्त्र आणि मानवी इतिहासाचा रंजक संगम आहे हे त्यांनी उपस्थितांना समजाविले. ह्या कार्यक्रमात उपस्थितांनी त्रिमितीय मॉडेल सुद्धा हाताळले.

स्वामी विवेकानंदांचा वैज्ञानिक दृष्टीकोन आणि मानव कल्याण – डॉ विवेक सुन्नपवार

स्वामी विवेकानंद यांनी अध्यात्म आणि विज्ञानाचा सुंदर समन्वय साधला होता. स्वामींनी आधुनिक विज्ञानाचा अभ्यास करण्यासाठी लोकांना कसे प्रोत्साहित केले ते त्यांनी अनेक उदाहरणांसह स्पष्ट केले.

कचरा वर्गीकरण व शून्य कचरा सोसायटी व्यवस्थापन

कचरा वर्गीकरण व शून्य कचरा सोसायटी व्यवस्थापन मॉडेल मध्ये सभासदांचा सहभाग – डॉ. सुभाष दळवी, संस्थापक व संचालक, आस्थाश्री सस्तैनाबिलिटी फाऊंडेशन, मुंबई

यांनी कचरा व्यवस्थापनाचे महत्व सांगताना आरोग्यरक्षण, पर्यावरण संवर्धन, उर्जा आणि संसाधने बचत या दृष्टीने त्याचा कसा फायदा होतो हे समजावून सांगितले.तसेच गृहनिर्माण संस्था कचरा
व्यवस्थापनातून कंपोस्ट खत कसे तयार करू शकतात हे उदाहरणांसहित उपस्थितांना समजाविले.

इ-मेल:

संपर्क क्र.